Sardor Sobirxo'jaev: "Penalti to'g'ri belgilandi. Eldor menga o'sha vaziyatda "kontakt" bo'lganini aytdi"

- Mavsumning birinchi o'yini "Paxtakor" futbolchilari uchun qanday o'tdi?

- Mavsum endi boshlandi. Birinchi o'yin qiyin bo'lishi aniq edi. O'tgan mavsum ham "Olimpik"ni ikkita uchrashuvda mag'lub eta olmagandik.

- "Olimpik" jamoasi bugungi bahsda qay jabhalarda "Paxtakor"dan ustun bo'ldi va nima sababdan "Olimpik" ushbu uchrashuvda g'alaba qozondi? 

- Birinchi navbatda, ularning eng katta ustunligi xohish deb o'ylayman. O'yinni 1:0 hisobida boshlash juda qiyin, chunki biz o'yinning 3-4 daqiqasidayoq to'p o'tkazib yubordik. Keyin esa xujumga o'tishga majbur bo'ldik. Raqib jamoa esa bizni kutishni boshladi. Biz shoshilinch tarzda xujumga o'tishni boshladik va shu sabab o'yinimiz bir oz qovushmadi.

- O'yin boshida "Paxtakor" darvozasiga penalti belgilandi. Sizning fikringizcha, o'sha vaziyatda penalti bormidi? 

- Vaziyat bahsli edi, ammo Eldor Suyunov penalti borligini tan oldi. Hakam VAR tizimi orqali penaltini tekshirayotgan vaqtda Eldor menga "kontakt" bo'lganini aytdi. Penalti to'g'ri belgilandi. Mavsum endigina boshlandi va hali oldinda 25 ta bahs bor. Keyingi uchrashuvlarda yaxshiroq o'ynaymiz.