Sanjar Quvvatov: "O'tkazib yuborilgan golda barcha masuliyatni o'z bo'ynimga olaman"

"To'g'risi aytsam, boshqa futbolchilarga qaraganda o'yinni juda katta hayajon bilan boshladim. Bu men uchun Qarshidagi dastlabki uchrashuv bo'lgani bois hayajon kuchli bo'ldi. O'zbekiston Superkubogida "Paxtakor" bilan bo'lgan o'yinda ham o'zimni engilroq his qilgandim. Ammo bugun hayajon kuchli bo'ldi. Bugun xatoga yo'l qo'ydim. Jamoadoshlarimga rahmat ular yaxshi harakat qilishdi va g'alabani taqdim etishdi. Keyingi uchrashuvlarda bu kabi xatolarga yo'l qo'ymaslikka harakat qilaman.

O'tkazib yuborilgan golda himoyachilarni emas, meni xatoim bo'ldi. SHerzod Azamov to'g'ri o'ynadi.Bu kutilmaganda ruy berdi. Bu vaziyatda masuliyatni o'z bo'ynimga olaman. Rostini aytsam, nima bo'lganini tushunmay qoldim. Birinchi bo'limda jamoamiz yaxshi o'ynolmagani sabab OCHLdagi o'yin. CHunki "Al Ahli"ga qarshi bellashuvda futbolchilar juda ko'p kuch sarf etishgandi. Lekin tanaffusda murabbiylar tegishli ko'rsatmalarni berishdi va ikkinchi bo'limda vaziyatni o'ngladik. Tanaffusdan so'ng jamoa sifatida bir joyga yig'ila oldik va irodali g'alabaga erishdik. Agarda yaratilgan ko'plab vaziyatlarni golga aylantira olganimizda, hisob yanada katta bo'lishi mumkin edi. Uchrashuv tugaganidan murabbiylarimiz futbolchilarga faqatgina rahmat aytishdi. SHu o'rinda ularga ham o'z minnatdorchiligimizni bildiramiz. Ular doimo bizlarni qo'llab kelishadi va kerakli paytda dalda bo'lishadi.

Taranda bo'lgan vaziyatda murabbiylarimiz o'qtirgan rioyaga amal qildim va hujumchi to'pni o'zidan birozgina uzoqlashtirishi bilan to'pga tashlandim. Bu orada esa zarbani to'sishga erishdim. Bu hammasi murabbiylarning ko'rsatmalari samarasi. Denis Ivankov bilan odin ham "Mashal"da birga ishlaganmiz va bir-birimizni yaxshi bilamiz. Denis Ivankov juda va juda boy tajribaga ega mutaxassis. "Mashal"dagi Pavel Sinelnikov ham yaxshi va kuchli murabbiy. Lekin Ivankovda juda katta tajriba bor va bu tomondan hozirgi murabbiyim ustunroq. Denis Ivankov bilan birga ishlayotganimdan juda xursandman", - deydi Sanjar Quvvatov.