Samvel Babayan mamlakat futbol klublarining fan klublari faollari bilan uchrashdi

Uchrashuvni tashkil qilishdan asosiy maqsad O'zbekistondagi futbol ishqibozlarini qiziqtirgan masalalar, ularning muaamolarini fan klublarning faollari orqali eshitishdan iborat bo'ldi. Bundan tashqari terma jamoa o'yinlaridagi muxlislik madaniyatining bugungi ahvoli ham uchrashuvning bosh mavzusiga aylandi.

Tadbirda terma jamoalar biror shaxsning emas, xalqning jamoasi ekanligi, shu sababli ham jamoa futbolchilari xalqning daldasiga muhtoj ekanligi alohida takidlandi.

“Mening vazifam ishqibozlarning terma jamoaga bo'lgan ishonchini qaytarish, xalq va federaciya rahbariyatining ishonchini oqlash”, - deydi Babayan. “Ammo, bir kishi - hech kim. Menga bunda sizlarning yordamlaringiz kerak bo'ladi”.

Samvel Babayan 23 iyun kuni Mirjalol Qosimovning o'rniga O'zbekiston milliy terma jamoasiga bosh murabbiy etib tayinlangan. SHundan so'ng u, terma jamoalar markazi xodimlari, o'zining shtabiga kirishi kutilayotgan murabbiy va mutaxassislar hamda jurnalistlar bilan uchrashuv o'tkazgan edi.

Milliy terma jamoa murabbiylar shtabi tasdiqlangach, Samvel Babayan terma jamoa bosh murabbiyi sifatida matbuot anjumani o'tkazadi.

Samvel Babayanning bosh murabbiy sifatidagi ilk rasmiy uchrashuvi, hozircha, 3 sentyabr kuni Yamanga qarshi o'yin bo'lishi kutilmoqda.

O'zbekiston terma jamoasi Jahon va Osiyo chempionati saralash bahslarini 16 iyunda SHimoliy Koreyaga qarshi 2:4 hisobidagi mag'lubiyat bilan boshlagan. Bugungi kun holatiga qadar H saralash guruhida 2 ta o'yinda 6 ochko jamg'argan SHimoliy Koreya va Filippin terma jamoalari peshqadamlik qilib turishibdi.