Samvel Babayan: "Yigitlarga g'alaba uchun rahmat"

"Raqib anchagina jiddiy edi. Yigitlarga g'alaba uchun rahmat aytaman. O'yin qiyin kechdi. Bunday maydonda chiroyli o'yin namoyish etish mushkul ish. Xarakter namoyish eta oldik va g'alabaga erishdik. Agar birinchi bo'limdagi 3ta vaziyatdan foydalanganimizda gollarni uchrashuv oxiriga qoldirmasdik", - deb gap boshladi Babayan.

- Penalti bo'lgan vaziyatdan oldin gol urilgandi. O'sha gol haqqoniy edimi?  
- Buni ko'rib chiqish kerak. Hushtak gol urilgungacha bo'ldimi yoki undan keyinmi mana shuni bilish lozim.

- Navro'zbek Alimov bugun zaxiradan maydonga tushib qisqa vaqt ichida ikkita sariq kartochka oldi...
- U asosiy tarkibda o'ynashga intilmoqda. Bugun o'zini ko'rsatishga juda ham urindi. Oqibatda hayajonini bosa olmadi.

- Nima uchun Alimovni maydonga kam tushurayapsiz?
- Sergeev bilan raqobatda yutib chiqsa Navro'zni asosiy tarkibga kiritaman. Kim o'sha kun kuchli bo'lsa o'sha maydonga tushadi.