"SA" "Klassiko" oldidan. Xayrulla Xoliqov: “To'g'risi, o'yinni intiqlik bilan kutayotganim yo'q”

Ulardan quyidagi ikki savolga javob berish so'ralgan edi:

1. "Klassiko"dan nimalarni kutyapsiz?
2. Bugungi o'yin qanday natija bilan nihoyasiga etadi deb o'ylaysiz va nima uchun?

Xayrulla Xoliqov

1.   Bugun tunda bo'lib o'tadigan “Real” va “Barselona” qarama-qarshiligini ko'pchilik intizorlik bilan kutayotgani bor gap. Lekin meni bunday deb bo'lmaydi. CHunki o'yin o'zimizning “Sport” TV orqali namoyish etilmas ekan. Uyda “kabel” yo'q, faqat o'zimizning kanallarni ko'ramiz. Taxminimcha, bahs juda shiddatli hamda qiziq kechadi. O'yinni kim ko'radigan bo'lsa, Messi va Ronaldu ishtirokidagi yana bir duelga guvoh bo'lsa ajab emas.

2.   Menimcha, o'yin 3:2 hisobida “Real” foydasiga hal bo'ladi. Buning sababi, Karlo Anchelotti kuchli jamoalarga qarshi qanday o'ynash kerakligini puxta biladi. “Barsa” ustozi Xerardo Martino esa bu borada biroz no'noqqa o'xshayapti. Albatta, bu taxmin xolos, lekin ayni paytda “Real” ashaddiy raqibiga nisbatan kuchliroq ko'rinmoqda.