Rustam Mirsodiqov: "To'p nima uchun darvozaga kirmadi? To'pdan so'rash kerak"

Unda birinchi bo'lib mehmonlar ustozi Rustam Mirsodiqov qatnashdi.

"Avvalo yangi stadion bilan barchani tabriklayman, juda ko'p muxlislar uchrashuvni ko'rish uchun keldi.

"Metallurg"ning maqsadi Bekobod xalqiga yoqadigan o'yin namoyish etish. Agar bugun SHahzodbek Nurmatov oxirigacha o'ynaganida natija bunday bo'lmasdi deb o'ylayman. Bundan tashqari uchta futbolchimiz tibbiy ko'rikdan o'ta olishmadi.

Jismoniy tomonlama yaxshi o'ynadik, agar hakam bugun 10 daqiqa qo'shib berganida hisobni tenglashtirishimiz mumkin edi (kuladi).

SHoxnazar Norbekovni ikki yil oldin Viktor Jalilov tavsiya qilgandi. Uni sinab ko'rib dastlab o'rinbosarlar safida, keyin o'tgan yil asosiy tarkibga jalb qila boshladik. O'tgan yil Ahmadjon Musaev Norbekovni terma jamoa yig'inlarga chaqirgandi. Qishda unga "Bunyodkor"dan taklif tushdi, biroq o'zi Bekobodda o'ynashni istadi.

Bugun men shogirdlarimga ochiq o'yin namoyish etishni tayinladim. Sababi o'yinni ko'rish uchun juda ko'plab muxlislar kelishgan, ularga yoqadigan hujumkor bahs o'tkazishga urindik.

To'p nima uchun darvozaga kirmadi? Buni to'pdan so'rab ko'rish kerak (kuladi)

"Metallurg" safida eng yaxshi o'yin ko'rsatgan futbolchi deb Alisher Ziyovuddinovni aytgan bo'lardim.


Xayrulla Xoliqov yozib oldi.