Rustam Ashurmatov: "Marokash tez va kuchli jamoa"

Katta Ashurmatovga havas bo'lsa kerak, bu himoyachimiz ham ikkinchi raqamda maydonga tushayapti.

"Marokash o'yinini o'rganganimiz bizga foyda berdi. 7-raqamda to'p tepgan futbolchini kuchini yaxshi bilar edim. Bu borada uni bir nechta o'yinlarini ko'rib o'rgandik. Lekin shunday bo'lsada 1-2ta vaziyatda o'tib ketdi va bu ancha havfli ko'rinish oldi", - deydi Rustam Ashurmatov.

- Ikkinchi bo'limda o'yinimiz ochilib ketganidan keyin ular ham himoyalanishga majbur bo'ldi...
- Aslida reja ham shunday edi. CHunki ikkinchi bo'limdan boshlab biz ham hujumlarga qo'shila boshladik. Asosiy vazifa esa qarshi hujumdan ushlash edi. O'yinimiz ham qovushdi.

- Keyingi raqib Xorvatiya va bizda guruhda birinchi o'rinni olish imkoniyati ham bor, bunga jamoa tayyormi?
- Xorvatiya birinchi turda Marokash bilan o'ynadi, mening fikrimcha ular afrikaliklarni biroz mensimay tushishdi natijada o'zlariga qiyin bo'ldi. Bizni maqsadimiz ham aslida shu.

- Menimcha Marokash bilan o'yinda aynan shu narsa bizga as qotdi, Marokash mensimagandek ko'rindi?
- Lekin tan olish lozim ular juda kuchli va tez jamoa. Oson gol uramiz deb o'ylagan bo'lishlari mumkin, lekin hayriyat himoyada jiddiy hatolar bo'lmadi.


 Nodirxo'ja Yuldashev