Ruslan Ahmedov: "Lokomotiv" Osiyo darajasidagi ideal maydonga ega klub hisoblanadi"

"Raqib Superliga jamoasi. Ularni g'alaba va keyingi bosqich yo'llanmasi bilan tabriklayman. Oxirgi daqiqada qulay vaziyatdan foydalanganimizda, balki durangga erishardik. Superliga jamoalari bilan kurashish qiyin. Daraja farq qiladi. Bitta gol urdik, lekin yakunda tajriba o'z so'zini aytdi", – deya gap boshladi Ahmedov.

- "Xorazm"ning O'zbekiston kubogi guruh bosqichidagi ishtirokini umumiy qanday baholaysiz?

- Oldimizga guruhdan chiqish vazifasi qo'yilmagandi. Superliga jamoalari bilan kuchimizni tekshirib olmoqchi edik. Qaysidir manoda bunga erishdik.

- Legioner futbolchi Rokki Marchianoning o'yini borasida nima deya olasiz?

- Endigina ikkinchi uchrashuvida maydonga tushdi. Taktik jihatdan xatolari bor, albatta. Ikkinchidan, til bilan bog'liq muammoga urchamoqda. Oldindagi o'yinlarda jamoamizga yordam beradi

-  "Xorazm" raqiblarni suniy maydonda qabul qiladi. Bugun ideal maydonda to'p tepdi. Buning farqi bormi? 

- "Lokomotiv" Evropa bo'lmasa ham, Osiyo darajasidagi ideal maydonga ega klub hisoblanadi. To'p ham tez harakatlanadi. Suniy maydonda aksincha. Barcha jamoalar shunday maydonda o'ynasa, futbol saviyasi ham ko'tariladi. 

- Ikki jamoa ham ko'plab vaziyatlardan foydalana olmadi. Klublarga Anvar Berdiev, Maksim SHackixga o'xshagan hujumchilar kerakmi yoki shunchaki vaziyatlarda sovuqqonlikmi?

- Yaxshi hujumchi Superligada ham muammo. Oxirgi yillarda Anvar Berdiev, Aleksandr Geynrixga o'xshagan hujumchilar chiqqani yo'q. Barchasi umumiy tizim bilan bog'liq. Yoshligidan tayyorlash lozim. Hozir futbol universallashib boryapti. Avvalgi tizim individual harakatlar asosiga qurilgandi.