Ruben Nevesh: "JCHda oson o'yinlar bo'lmaydi"
25 noy 2022 12:16
Yangiliklar

Ruben Nevesh: "JCHda oson o'yinlar bo'lmaydi"

Portugaliya terma jamoasi yarim himoyachisi Ruben Nevesh JCH-2022 "H" guruhi 1-turida Gana ustidan qozonilgan g'alaba (3:2) haqida fikr bildirdi.

"G'alaba bilan boshlash juda muhim edi, bu turnirda oson o'yinlar bo'lmaydi. Barcha jamoalar yuqori saviyaga ega va biz har doim bor kuchimizni sarflashimiz lozim. Qiyin uchrashuv bo'ldi. Birinchi bo'limni nazorat qildik, ikkinchi taymda Gana tomonidan bosim ko'proq bo'ldi va biz biroz orqaga chekindik. Uchrashuvda biz ko'proq pragmatik bo'lishimiz kerak edi. Keyingi o'yinga g'alaba uchun maydonga tushamiz", – dedi Nevesh.

Portugaliya "H" guruhida 3 ochko bilan birinchi, Gana esa 0 ochko bilan to'rtinchi o'rinda bormoqda. Bungacha Koreya va Urugvay termalari durang (0:0) o'ynab, 1 ochkodan jamg'argandi.

Portugaliyaliklar 28 noyabr kuni keyingi tur doirasida Urugvayga qarshi maydonga tushishsa, Gana Janubiy Koreya termasi bilan to'qnash keladi.

Havola :

Manba : A Bola

Yangiliklarni Telegramda o'qing!

Reyting: