Ro'ziqul Berdiev: "Xotirjamlikka berilmaymiz"
22 may 2017 22:39
Yangiliklar

Ro'ziqul Berdiev: "Xotirjamlikka berilmaymiz"

O'zbekiston kubogi nimchorak final doirasidagi "Paxtakor" - "Nasaf" (0:3) uchrashuvidan keyingi matbuot anjumanida dastlab "ajdarlar" bosh murabbiyi Ro'ziqul Berdiev qatnashdi.

- Futbolchilarimizga minnatdorchilik bildiraman. Jamoamiz bergan ko'rsatmalarimizni to'liq bajarishdi. Bugun o'yinimizga, taktikasizga biroz o'zgartirish kiritdik. Bu esa "Paxtakor"ga noqulaylik keltirib chiqardi. Aynan shu narsa ham g'alabamizga zamin yaratdi.

Yangi taktik sxemada biz Turkiyadagi yig'inimiz davomida bir qator o'yinlarni o'tkazgandik. Bugun esa bu taktik sxema bizga foyda keltirdi. Keyinchalik ham 5-4-1 taktik sxemasidan foydalanamiz.

Qaysi goldan keyin g'alabaga to'liq ishondim? Javob uchrashuvidan keyin g'alabamizga to'liq ishonsam kerak.

Doniyor Narzullaev va Dilshod Xushbakovni o'yinimizga tezlik qo'shish maqsadida maydonga tushirgandik. Bu taktik o'zgarish bo'ldi. Albatta Narzullaevning o'yinida kamchiliklar bor. Bizda hozirda undan kuchliroq futbolchi yo'q. SHu boisdan ham Narzullaevdan ham foydalanishda davom etamiz.
Hozircha xotirjamlikka berilishga erta. Javob o'yinida masalani to'liq hal etmoq zarur.

Havola :

Manba : championat.asia

Yangiliklarni Telegramda o'qing!

Reyting: +11