Ro'ziqul Berdiev: "Eng yaxshi murabbiy nominaciyasida birinchi bo'lishimni kutmagandim"
25 dek 2013 16:00
Yangiliklar

Ro'ziqul Berdiev: "Eng yaxshi murabbiy nominaciyasida birinchi bo'lishimni kutmagandim"

Kuni kecha O'FFning yil yakunlariga bag'ishlab o'tkazilgan marosimda "Nasaf" jamoasi bosh murabbiyi Ro'ziqul Berdiev 2013 yil O'zbekistonning "Eng yaxshi murabbiyi" deb topildi.

SHu munosabat bilan Berdievni suhbatga tortdik.

- Avvalo bu kabi taqdirlash marosimlarida birinchi bor ishtirok etishim ekanligini aytib o'tmoqchiman. Ochig'i yilning Eng yaxshi murabbiyi nominaciyasida birinchi bo'lishimni kutmagandim. CHunki o'zingizga yaxshi malumki, yurtimizda bunday sovrinlarga munosib bo'lgan mahoratli murabbiylar bor. Zalda mening ism-sharifimni aytishganida oz miqdorda hayajonlanish ham bo'ldi.

- Albatta bu borada menga ovoz bergan barcha OAV xodimlariga minnatdorchilik bildiraman. SHuningdek futbolimiz rahbarlariga ham tashakkur deb qolaman.

- Bilasizmi ushbu yutuq nafaqat meniki, balki butun "Nasaf" jamoasi azolariniki hamdir. Sababi bunga klubimiz azolarining ham mehnatlari orqali erishganman. Futbol jamoaviy o'yin bo'lgani uchun ham "Nasaf" azolarining hissasi bor deb bilaman.

- O'zimga bildirilgan ishonchi kelgusi mavsumlarda ham oqlashga harakat qilaman.

Islombek Rustambekov suhbatlashdi

Havola :

Manba : championat.asia

Yangiliklarni Telegramda o'qing!

Reyting: