Ronaldu o'g'liga Lissabondagi eski uyini ko'rsatdi, kichik Krishtianu esa bunga ishonmadi

Futbolchining aytishicha, o'g'li otasining bu kabi sharoitda yashab, o'sganiga ishonmagan. Krishtianu 12 yoshida Madeyredagi uyini tark etib, «Sporting» akademiyasini o'qishni boshlash uchun Lissabonga ko'chib kelgandi.

“Men o'g'lim qanday sharoitga o'sganimni ko'rishidan juda xursand bo'ldim. Biz o'sha Lissabonda yashagan erimizga bordik. U erda bolaligimda tanigan insonlarni uchratganim meni hayajonga soldi. Men katta bo'lgan uyning xonasiga kirganimizda, kichik Krishtianu «dada, siz shunaqa joyda yashaganmisiz?» deya savol berdi. U bunga ishonmasdi. Ular uchun barchasi oson qo'lga kiritiladigandek go'yo. Ajoyib hayot, uy, mashina, kiyim-kechak. Ularning nazlida bularning bari shunchaki keladi. Biroq, men o'g'limga birgina qobiliyat bilan hech narsaga erishib bo'lmasligini o'rgatmoqchiman. Barcha o'ylagan niyatingga erishishing mumkin, faqat buning uchun o'z ustingda ishlab, ko'p mehnat qila olsang”, deydi Ronaldu.