Ronaldu: "Al Nassr"ga oldinroq kelmaganimdan afsusdaman"

"Al Nassr"da juda baxtliman. Ushbu klubda o'zimning eng yaxshi o'yinlarimni namoyish qilishni istayman. "Al Nassr"ga oldinroq kelmaganimdan afsusdaman. Ayni damda shu erdaman va jamoaning g'alabalarida munosib hissamni qo'shayotganimdan mamnunman.

Evropadagi faoliyatimdan ko'ra "Al Nassr"da ikki karra ko'proq kuch bilan o'ynashga harakat qilaman va ushbu ajoyib klub uchun mehnat qilishdan to'xtamayman", - dedi 38 yoshli portugaliyalik futbolchi.

Ronaldu o'tgan yilning dekabrida "Al Nassr"ga borib qo'shildi. U 2023 yilda klubi va termasi tarkibida 50ta gol kiritishga muvaffaq bo'ldi.