Roberto Karlos: "Ronaldo 2002 yilgi "Oltin to'p"ni mendan o'g'irlagan"
13 dek 2024 17:16
Yangiliklar

Roberto Karlos: "Ronaldo 2002 yilgi "Oltin to'p"ni mendan o'g'irlagan"

Braziliya terma jamoasi va "Real" sobiq himoyachisi Roberto Karlos Ronaldo 2002 yilgi "Oltin to'p"ni undan tortib olganini aytdi.

"Men har doim Ronaldoga aytamanki, “Oltin to'p” meniki edi va u uni mendan o'g'irlagan. Jahon chempionati finaligacha favorit ekanligimni eshitgandim. SHunday qilib, men 90 daqiqada sovrindan mahrum bo'ldim. Ammo o'ylab ko'rsangiz, himoyachining "Oltin to'p" uchun so'rovnomada ikkinchi bo'lishi aql bovar qilmaydigan narsa. Unda faqat Bekkenbauer, Zammer va Kannavaro g'alaba qozona olgan. SHu tariqa ikkinchi o'rin katta g'urur uchun sababdir".

O'shanda "Inter" safida to'p tepgan braziliyalik forvard jarohat tufayli 2001/02 yilgi mavsumning aksariyat qismini o'tkazib yuborgandi. U 8 ta gol bilan 2002 yilgi Jahon chempionatining eng yaxshi to'purari bo'lgan va Germaniyaga qarshi bahsda (2:0) dubl qayd etgan.

Natijada mavsum oralig'ida "Real"ga o'tgan Ronaldo 2002 yilgi "Oltin to'p" sohibiga aylangan, Roberto Karlos ikkinchi, nemis darvozaboni Oliver Kan uchinchi bo'lgan.

Havola :

Manba : AS

Yangiliklarni Telegramda o'qing!

Reyting: +8