Riberi tiklanish jarayonidan mamnun

"Men o'zimni yaxshi his etmoqdaman. Hozirgi kunda havo juda sovuq. Lekin yana butsalar bilan yashil maydonda shug'ullanayotganimdan xursandman. Biroq men tavakkalga qo'l urib voqealar rivojini tezlashtirmochi emasman. Hammasi o'z o'rnida bo'lgani maqul. Mushaklarim yaxshi holatda" - deydi Riberi.

Eslatib o'tamiz, Riberi jarohati bois bir yil oshiq vaqtni maydondan tashqarisida o'tkazib yubordi. SHuningdek, futbolchi o'tgan mavsumda jarohatidan forig' bo'lib maydonga qaytganida ECHL doirasidagi "SHaxtyor"ga qarshi o'yinda yana jarohat olgandi. Bu yilgi mavsumda ham Riberi endi yashil maydonga qaytganida ECHL doirasidagi "Dinamo Zagreb" bilan o'yinda oyoq mushaklarini shikastlab olgandi.