Registon PFK O'zbekiston Birinchiligi-2014dan chetlatildi
17 iyu 2014 12:05
Yangiliklar

Registon PFK O'zbekiston Birinchiligi-2014dan chetlatildi

Registon PFK, moliyaviy muammolar sabab, O'zbekiston Birinchiligi birichi bosqich 14-tur doirasidagi SHerdorga qarshi va 15-tur doirasidagi Gulistonga qarshi uchrashuvlarga kelmadi.

2014 yilgi O'zbekiston nohavaskor va yarim professional futbol klublari o'rtasidagi musobaqalar Reglamenti (4-modda, 4.26-bandi)ga asosan, Registon PFK 2014 yilgi O'zbekiston Birinchiligi ishtirokchilari safidan chiqarildi.

Registon PFK 2014 yilgi O'zbekiston Birinchiligi birinchi bosqichining yarmidan ko'p uchrashuvlarida ishtirok etgani munosabati bilan, 14-tur doirasidagi SHerdorga qarshi o'yindan boshlab Registon PFKga texnik mag'lubiyat (-:+), raqib jamoalarga esa texnik g'alaba (+:-) yoziladi.

Registon PFKning O'zbekiston Birinchiligi-2014 ishtirokchilari safidan chiqarilishi munosabati bilan, shuningdek, futbolchilarning huquq va manfaatlarini inobatga olgan holda, ushbu klub o'yinchilarini 2014 yilgi O'zbekiston nohavaskor va yarim professional futbol klublari o'rtasidagi musobaqalar Reglamentiga muvofiq, tegishli tartibda erkin agent sifatida zayavka qilishga ruxsat beriladi.

Havola :

Manba : pfl.uz

Yangiliklarni Telegramda o'qing!

Reyting: