Ravshan Haydarov: "Tur ramziy terma jamoasini berib borilishi muxlislar uchun qiziqarli bo'lmoqda"

Unga ko'ra, ramziy terma jamoaning bosh murabbiyi Ravshan Haydarov bo'ldi. SHu munosabat bilan "Dinamo" bosh murabbiyining bu borada fikrlarini eshitdik.  

- "Championat.asia" saytini eng faol saytlardan biri deb bilaman. Futbolimiz yangiliklari va umuman millionlar o'yinidagi yangiliklarni o'quvchilariga tezkorlik bilan etkazib turadigan saytlardan ekanligiga shubha yo'q. Alabtta sayt ijodkorlarining tur ramziy terma jamoalarini va boshqa yana bir qator so'rovnomalar o'tkazib kelayotgani muxlislar uchun qiziqarli bo'lmoqda.

- Umid qilamizki, bundan keyin ham sayt futbol yangiliklarini tezkorlik bilan muxlislarga etkazib beradi va yangi loyihalarni joriy etib yuqori darajaga ko'tariladi.

- Tur ramziy terma jamosidan o'rin olishim haqida bir nima deyishim qiyin. Jurnalistlar meni shunga munosib ko'ribdimi demak haqiqatdan ham shunaqa. Albatta bunga safarda "Andijon" ustidan erishilgan g'alabamiz turtki bergan. Umuman olganda chempionatning boshlanishi biz uchun omadli bo'ldi. Bundan keyin ham yanada o'yinimizni kuchaytirishimiz kerak. Har bir klubda o'sish bo'laveradi. Maydonlarning holati ham yaxshilanib boraveradi. Kimning nimaga qodirligini keyingi turlarda ham bilib olish mumkin.

Islombek Rustambekov.