Ravshan Haydarov: "Oldimizga qo'yilgan vazifa bajarildi"

"Bugun chempionatni yakuniy uchrashuvi va buni o'z maydonimizda o'tkazdik. Turnir jadvalida yonma-yon borayotgan "Neftchi"ga qarshi uchrashuv o'ta qiyin bo'ldi. Ikki jamoa ham hech bo'lmasa oxirgi turda o'z o'rnini yaxshilash uchun harakat qilayotgan edi. Biz har doim imkon qadar yuqoriroq ko'tarilishni maqsad qildik va shuning uchun g'alaba bizga bunday imkoniyatni berar edi. Futbolchilar bugun mavsumdagi eng  yaxshi o'yinini ko'rsatishdi".

"Birinchi bo'lim haqida gapiradigan bo'lsak bizga birinchi bo'limda kiritilgan gol katta ahamiyatli bo'ldi. Ikkinchi bo'limda esa qarshi hujumda o'ynab standartdan hisobni oshirishga erishdik. Bu g'alabani muxlislarga bag'ishlaymiz. "Dinamo" o'z boshidan qiyin vaziyatlarni o'tkazdi va mana mavsum oxirida yaxshilik bilan yakunlandi. Oldimizga qo'yilgan vazifani bajardik. " - deya o'z fikrlarini bildirib o'tadi Ravshan Haydarov

Eslatma: Matbuot anjumanining ikkinchi qismida Amet Memet ishtirok etishi kerak edi, lekin mehmonlar bosh murabbiyi matbuot anjumaniga kirishni istamadi.