Ravshan Haydarov: "Bugun turli taktik sxemalarni amalda qo'llab ko'rdik"

O'yinda namanganliklar 3:1 hisobida g'alaba qozondi. Uchrashuvdan so'ng Ravshan Haydarovning fikrlarini bilishga qiziqdik.

- Bu kabi sinov-nazorat o'yinlarida natija u qadar muhim ahamiyat kasb etmaydi. Asosiysi qo'l ostimizdagi futbolchilarning imkoniyatini ko'zdan kechirish edi. SHu bois bugun biz turli taktik sxemalarni amalda qo'llab ko'rdik. Tarkibimiz ham aralash bo'ldi. Uchrashuvdan o'zimizga kerakli xulosalarni chiqarib oldik", - deydi Ravshan Akmalovich.

- Bugun jarohati borligi tufayli SHahboz Erkinov maydonga tusha olmadi. Safimizni esa eng so'nggilardan Ildar Magdeev tark etdi. Bugungi uchrashuvdan so'ng Feruz Boboqulovga ham javob berdik.

- Asosiy tarkib o'zagini deyarli aniqlab oldik. SHu bois endi jiddiy haridlar amalga oshirilmaydi. Yoshlar jamoasi tarkibidan o'zini ko'rsatgan bir talay yoshlarni asosiy tarkibga jalb etishni va zaxiramizni aynan mazkur o'yinchilar bilan yanada kuchaytirishni o'ylab turibmiz.

- Bugun darvozani Melnichuk bilan Mixaylov bir taymdan qo'riqlagani sababli iqtidorli Asilbek Omonov zaxirada qoldi. Lekin bu posbondan ham umidimiz katta  deya o'z fikrini yakunladi "Dinamo" bosh murabbiyi.

Islombek Rustambekov yozib oldi.