Rauf Inileev: "Maxtaaral"ni qabul qilib olishimga bir qator sabablar bor"

- Rauf Talgatovich, Osiyoning eng yaxshi murabbiyi bo'lgan mutaxassis qanday qilib Qozog'iston birinchi ligasi klubida paydo bo'ldi?
- Bilasizmi men faxriylar o'rtasidagi o'yinlarda qatnashib turaman. Toshkentdagi o'yinlardan birida Maxtaaral tumanida yashovchi odam ham futbol o'ynagandi. U menga tuman hokimi yordamida bu erda futbolni rivojlantirishni istayotganini aytdi. Men og'ir davrni boshdan kechirdim, turmush o'rtog'im uzoq vaqt kasal bo'lib 2012 yilda vafot etdi. Ikki yil hech qaerda ishlaganim yo'q. Nimanidir o'zgartirish vaqti kelgandi. SHu sabab bu klub taklifini qabul qildim. Bundan tashqari Maxtaaral Toshkentdan atiga 90 kilometr uzoqlikda.

- O'zbekiston milliy terma jamoasida ishlab ko'rgan murabbiyning Qozog'iston quyi ligasida ish boshlashi baribir qiziq?
- To'g'risini aytsam men faqat O'zbekiston terma jamoasida emas turli ligalarda ham ishlaganman. Futbol barcha darajada qiziqarli. Albatta, bu klub infrastrukturasi hozircha juda yomon. Ammo bularni barini yaxshilashga urinamiz.

- Yig'inlarda yangi futbolchilarni sinovdan o'tkazdingizmi?
- Toshkentdagi yig'inda to'rtta nazorat uchrashuvini o'tkazdik. Albatta, yangilarni ko'zdan kechirdik. Tekin futbolchilar hozir deyarli yo'q, agar moliya yaxshi bo'lsa kuchli jamoa tuzsa bo'ladi.

- Aynan qaysi jamoalarga qarshi o'ynadinglar?
- Toshkentda hozir o'ziga jamoa qidirayotgan futbolchilardan tuzilgan jamoalar yig'in o'tkazishmoqda. Aynan shunday jamoalarga qarshi uchta bahs bo'lib o'tdi. Yana Buxoroga qarshi o'ynadik, ular aralash tarkib bilan maydonga tushishdi. Bu jamoani Edgar Gess boshqarmoqda. Biz 2:1 hisobida zafar quchdik. O'yin bo'yicha maydonda teng kuchli jamoalar o'ynashdi, bu meni xursand qildi.