Rasman: Temurxo'ja Abduxoliqov "Lokomotiv"ga qaytdi

2015-2016 - yillarda "temiryo'lchilar" tarkibida harakat qilib, keyinchalik 2018-yilda yana bir bor jamoaga qaytgan Temurxo'ja Abduxoliqov 2019-yilgi mavsum ikkinchi yarmida BAAning "Xorfakkan" jamoasiga o'tgan edi.
BAA Pro-ligasi debyutanti hisoblangan jamoa safida 7 uchrashuvda maydonga tushgan hujumchi BAAdagi faoliyatiga yakun yasadi. "Lokomotiv" raxbariyati va murabbiylar shtabi futbolchi bilan ushbu mavsumda ham hamkorlik qilishga kelishib olishdi.

SHu paytga qadar Temuxo'ja "Loko" tarkibida barcha turnirlarda umumiy 120 uchrashuvda maydonga tushgan va 64 gol kiritgan.

Temurxo'ja Abduxoliqovning statistikasi
2011/2013 "Paxtakor" 64 o'yin, 22 gol
2014/2015 "Xayduk" (Xorvatiya) 10 o'yin, 1 gol
2015/2016 "Lokomotiv" 50 o'yin, 30 gol
2017/2018 "Al Sayliya" (Qatar) 33 o'yin, 17 gol
2018/2019 "Lokomotiv" 37 o'yin, 17 gol
2019 "Xorfakkan" 7 o'yin