Rasman: "Andijon" gruziyalik futbolchi transferini elon qildi

Yakuniga etgan chempionatni "Bunyodkor" safida o'tkazgan gruziyalik hujumchi Imeda Ashortia 2026 yilni "Andijon" libosida o'tkazadi. Tomonlar o'zaro kelishuvga erishishdi va shartnoma imzolandi.

Malumot uchun, Ashortia 1996 yilning 30 oktyabr kuni Gruziyaning Martvili shahrida tavallud topgan. Shu kungacha u Gruziyaning "Martvili", "Dila", "Kolxetti-1913", "Sxinval", "Telavi", Ozarbayjonning "Turan Tovuz" va Qozog'istonning "Shaxtyor" jamoalarida to'p tepgan.

Bu yil "Bunyodkor" safida Superliga va Kubok doirasida jami 33 ta uchrashuvda maydonga tushdi. Raqiblar darvozasiga 10 ta to'p kiritdi va 2 ta golli uzatmani amalga oshirdi.