Qoraqalpog'istonlik futzal murabbiylari uchun o'quv kursi

Ushbu kurslar O'zbekiston futbol federaciyasining bolalar, o'smirlar va ommaviy futbol boshqarmasi hamda O'zbekiston mini futbol (futzal) associaciyasining 2015 yilgi ish rejasiga asosan bo'lib o'tdi.

O'z navbatida 21-26 iyul kunlari Qoraqalpog'iston  respublikasi poytaxtidagi “Turon” sport majmuasining o'quv-mashg'ulot bazasida olib  borilgan mazkur kurs mashg'ulotlariga OFK instruktori Avaz Maqsumov rahbarlik qildi. Nukuslik Ongarboy Jalimov kurs koordinatori vazifasini o'tadi.  Deyarli bir hafta mobaynida 16 nafar qoraqalpog'istonlik murabbiy “Level One” sertifikati yo'nalishida saboq olishdi.

- Futzal bo'yicha murabbiylarimiz ushbu kurs jarayoniga jiddiy yondoshishdi, - deydi Qoraqalpog'iston respublikasi futbol federaciyasi birinchi vice-prezidenti Vladimir Nazarov. – Negaki, keyingi vaqtlarda murabbiylarning tegishli licenziya va sertifikatga ega bo'lishlari muhim ahamiyat kasb etayotir. SHu jihatdan, ular malakalarini oshirish, tajribalarini yanada yuksaltirish borasida izlanishayotir. Ishonchim komilki, nihoyasiga etgan navbatdagi kurs respublikamizda sportning futzal turini yanada ommaviylashishiga xizmat qiladi.

Ikrom XUDOYBERGANOV.