Qoraqalpog'iston Respublikasi, viloyatlar va Toshkent shahar futbol federaciyalarining umumiy ahvoli tekshiruvdan o'tkaziladi

O'zbekiston Respublikasi Vazirlar Mahkamasining 2009 yil 3 dekabrdagi 304-sonli “Respublikamizda futbolni rivojlantirish uchun qo'shimcha shart-sharoitlar yaratish, uning aholi salomatligini mustahkamlash va jismoniy madaniyatini yuksaltirishdagi rolini oshirish bo'yicha Qarori” ijrosini taminlash, Qoraqalpog'iston Respublikasi, viloyatlar va Toshkent shahar futbol federaciyalarining futbolni rivojlantirish va qo'llab-quvvatlash masalalaridagi faoliyatini  faollashtirish, shuningdek, ularning moddiy-texnika bazasini mustahkamlash borasida olib borilayotgan ishlarini nazorat etish va ularga amaliy yordam ko'rsatish maqsadida, O'zbekiston Futbol Federaciyasining bir qator rahbar xodimlari hududlar bo'yicha javobgar shaxs etib biriktirildi.

Mazkur rahbar xodimlar tomonidan Qoraqalpog'iston Respublikasi, viloyatlar va Toshkent shahrida olib borilayotgan chora-tadbirlar o'rganiladi va tegishli xulosalar chiqariladi.

Hududlarni o'rganish jarayonida quyidagi jihatlarga alohida ahamiyat qaratiladi:

-Qoraqalpog'iston Respublikasi, viloyatlar va Toshkent shahar futbol federaciyalarining umumiy ahvoli;

-hududiy bolalar va o'smirlar futbol maktabi va futbol klublarining infratuzilmalari, u erdagi shart-sharoitlar;

-ayollar futboli, mini futbol, sohil futbolini rivojlantirish  bo'yicha amalga oshirilayotgan chora-tadbirlar;

-moliyaviy va kadrlar bo'yicha masalalar;

-musobaqalarni yuqori saviyada tashkil etish va o'tkazish jarayonida yo'l qo'yilayotgan kamchiliklar;

-murabbiylarni o'qitish va ularning malakasini oshirish bo'yicha olib borilayotgan ishlar;

-OAV va jamoatchilik, shu jumladan, muxlislar bilan ishlash jarayoni.