"Barsa" Reshfordni to'liq sotib olishi uchun qancha to'lashi kerakligi malum. Futbolchi maoshi biroz kamayishiga rozi bo'lgan

Insayder Fabricio Romanoning yozishicha, "Barsa" "Manchester Yunayted" hujumchisini ijaraga olish uchun barcha hujjatlarni rasmiylashtirgan.

Kataloniyaliklar ingliz futbolchisiga 14 mln evro maosh to'laydi, shuningdek, uning o'yinlardagi harakati bilan bog'liq mukofotlar ham ko'zda tutilgan. Reshford maoshini 15 foizga qisqartirishga rozi bo'ldi, MYU esa unga hech narsa to'lamaydi.

Ijara yakunlangach "Barselona" Markusni 30 mln evroga to'liq sotib olishi mumkin.