"Qo'qon-1912" va "Lokomotiv" nazorat bahsida jangovar durang qayd etishdi

Toshkentda yig'in o'tkazayotgan "Qo'qon-1912" jamoasi bugun "Lokomotiv"ga qarshi nazorat uchrashuvi o'tkazdi.

Bahs shiddatli tarzda kechdi. O'yinning 56-daqiqasida qo'qonliklar hisobni ochishdi. Quvondiq Ro'zievning shedevr pasidan so'ng Hasanov to'pni to'xtatmasdan kuchli zarba bilan Nesterov darvozasiga joylab qo'ydi.

64-daqiqada Temurxo'ja Abduholiqov hisobni tenglashtirdi. Himoyadagi xatodan "temiryo'lchilar" unumli foydalanishdi.
74-daqiqada "Loko" darvozasiga ikkinchi to'p kiritildi. toshkentliklar o'z jarima maydonchalari ichida raqibga qarshi qo'pollik ishlatishdi. Bosh hakam raqib darvozasi tomon penalti belgiladi. Ivan Yosovich penaltini aniq amalga oshirib jamoasini oldinga olib chiqdi.

O'yinning so'nggi daqiqalarida hujumkorlikka zo'r bergan "Lokomotiv" futbolchilari 80-daqiqada hisobni tenglashtirishdi. Bu safar zaxiradan maydonga tushgan SHahzod SHaymanov gol muallifiga aylandi.

Aytish mumkin-ki, bu "Qo'qon-1912" jamoasining Toshkentdagi yig'in doirasidagi so'nggi nazorat bellashuvi bo'ldi.

Nazorat o'yini
"Qo'qon-1912" - "Lokomotiv" 2:2
Gollar: Muhammadanas Xasanov 56, Ivan Yosovich 74 pen. - Temurxo'ja Abduholiqov 64, SHahzod SHaymanov 80.

"Qo'qon-1912": Botirali Ergashev, Bobur Akbarov, Ivan Yosovich, Aleksandr Merzlyakov, Avaz Mamatxo'jaev, Quvondiq Ro'ziev, Oybek Rustamov, Sardor Azimov, Suhrob Berdiev, SHohnazar Norbekov, Otabek Haydarov.
Zaxiradan tushganlar: Islom Abdullaev, Iqbol Malikjonov, Jasur Yoqubov, Muhammadanas Hasanov, Bek Abdullaev, Zohid Abdullaev, Hamidullo Abduhamidov.

"Lokomotiv": Ignatiy Nesterov, Slavko Damyanovich (Farruh Ibrohimov, 46), Davron Umirov (Avaz O'lmasaliev, 69), Kaxi Maxarazde, Kirill Pogrebnyak, Marat Bikmaev (Javohir Alijonov, 83), Temurxo'ja Abduxoliqov (Ibrohim G'anixonov, 83), Davron Hoshimov, SHerzod Fayziev, Oybek Qilichev (SHahzod SHaymanov, 46), Diyor Turopov.

Mazkur uchrashuvni "Buxoro" ustozi Muhsin Muhammadiev ham kuzatib bordi.