Prevyu. "So'g'diyona" - "Mashal"

So'g'diyona (Jizzax) – Mashal (Muborak)
30 aprel 2016. Jizzax. "So'g'diyona" stadioni. 17:30
Hakamlar: B. Namozov (Toshkent), O. Jumaev (Navoiy), N. Ro'zimov (Toshkent), I. Ibragimov (Nukus)
Nazoratchi: S. Najafaliev (Toshkent).
 
“So'g'diyona” va “Mashal” oliy ligada 22 bora to'qnash kelishgan. Natijalar Muborak jamoasining katta ustunligini ko'rsatmoqda.

“Mashal” 11 marta bu jamoadan ustun kelgan. “So'g'diyona” 5 marta g'alaba qozongan va 6 bor durang o'ynagan. “Mashal” to'plar nisbatida ham ustunlikka ega – 33:21. “Gazchilar” o'zaro o'yinlarda 39, “So'g'diyona” esa 21 ochkoni o'z hisobiga yozib qo'ygan. Jizzaxliklarning o'zaro o'yinlardagi eng yirik g'alabasi 3:0, “Mashal”ning eng yirik muvaffaqiyati 5:1ga teng.

O'tgan mavsumda “So'g'diyona” o'z uyida g'alaba qozongan. Anvar Rajabov va Akmal Abdurahmonovning gollariga mehmonlar safida Vladislav Ivanov javob bergandi – 2:1. Muborakdagi bahsda esa tomonlar qancha harakat qilishmasin gol ura olishmagandi – 0:0.

“So'g'diyona” maydonida o'tgan so'nggi besh uchrashuv:
02.05.2015 So'g'diyona - Mashal 2:1
15.03.2014 So'g'diyona - Mashal 1:1
25.08.2011 So'g'diyona - Mashal 2:3
01.03.2009 So'g'diyona - Mashal 1:0
12.04.2008 So'g'diyona - Mashal 2:4

O'zaro o'yinlar haqida fakt: “So'g'diyona” o'z maydonida to'rt marta “Mashal”dan ustun kelgan. Ikkita uchrashuvda g'olibni aniqlashning imkoni bo'lmagan. 5ta holatda Muborak klubi safardan ijobiy natija bilan qaytgan. “So'g'diyona” o'z mezbonlik qilgan oxirgi 3 o'yinda faqat bir bor zafar quchgan.