Prevyu. "So'g'diyona" - "Mashal"

SO'G'DIYONA – MASH'AL
15 mart. Zomin. “Zomin” stadioni. 16:00
Hakamlar: V.Ceytlin, H.SHodmonov, A.Capenko, M.Muhamedov.
Nazoratchi: G.Imomov.

“So'g'diyona” va “Mashal” oliy ligada 18 bora to'qnash kelishgan. Natijalar Muborak jamoasining katta ustunligini ko'rsatmoqda.

“Mashal” 10 marta bu jamoadan ustun kelgan. “So'g'diyona” 4 marta g'alaba qozongan va 4 bor durang o'ynagan. “Mashal” to'plar nisbatida ham ustunlikka ega – 28:16. “Gazchilar” o'zaro o'yinlarda 34, “So'g'diyona” esa 16 ochkoni o'z hisobiga yozib qo'ygan. Jizzaxliklarning ning o'zaro o'yinlardagi eng yirik g'alabasi 3:0, “Mashal”ning eng yirik muvaffaqiyati 5:1ga teng.

O'tgan yil “Mashal”, 2012 yil esa “So'g'diyona” oliy ligada ishtirok etmagan. SHu sababli bu jamoalar o'rtasida so'nggi uchrashuvlar 2011 yil bo'lib o'tgan. O'sha yil Muborakda bo'lib o'tgan o'yinda mehmonlar vakili Timur Ayzatulovning goliga SHuhrat Muhammadiev javob bergandi – 1:1. Jizzaxda tashkil etilgan bahsda mehmonlar g'alaba qozonishgan. Bahodir Pardaev birinchi bo'limda ikki bor “Mashal” darvozasiga gol urgan. Ikkinchi bo'limda Samandar SHodmonov (ikki marta) va Zafar Xolmurodovning gollari muborakliklarga irodali g'alabani taqdim etdgandi – 3:2.

“So'g'diyona” maydonida o'tgan so'nggi besh uchrashuv:
25.08.2011 So'g'diyona - Mashal 2:3
01.03.2009 So'g'diyona - Mashal 1:0
12.04.2008 So'g'diyona - Mashal 2:4
03.06.2006 So'g'diyona - Mashal 0:1
25.10.2005 So'g'diyona - Mashal 0:1

O'zaro o'yinlar haqida fakt: “So'g'diyona” o'z maydonida uch bora “Mashal”dan ustun kelgan. Bitta uchrashuvda g'olibni aniqlashning imkoni bo'lmagan. 5ta holatda Muborak klubi safardan ijobiy natija bilan qaytgan. “So'g'diyona” mezbonlik qilgan oxirgi 7 o'yinda faqat bir bor zafar quchgan.

Taxmin: O'yinda durang qayd etilishi mumkin. "So'g'diyona" o'z muxlislari qarshisida faqat g'alaba uchun o'ynaydi, "Mashal" esa oliy ligani sog'ingan. Siz nima deb o'ylaysiz?


Narzulla Saydullaev.