Prevyu. "Paxtakor" - "Qo'qon-1912"

Paxtakor (Toshkent) – Qo'qon-1912 (Qo'qon)
11 mart 2016. Toshkent. "Paxtakor" stadioni. 17:30
Hakamlar: O. Tolibjonov (Toshkent), A. Kalinin (Qarshi), B. Baxromov (Toshkent), F. Norsafarov (Qarshi)
Nazoratchi: E. Musaev (Samarqand).
 
“Paxtakor” va “Qo'qon-1912” oliy ligada jami 20 bora to'qnash kelishgan. Natijalar “sherlar”ning ustunligini ko'rsatmoqda. Toshkent klubi 12 marta g'olib bo'lgan, 3ta o'yinda durang qayd etilgan. Qo'qonliklar hisobida 5ta g'alaba mavjud. To'plar nisbatida ham “Paxtakor” oldinda - 59:33. O'zaro o'yinlarda “Paxtakor” 39, “Qo'qon-1912” 18 ochkoni  qo'lga kiritgan.

“Paxtakor”ning o'zaro o'yinlarda qozongan eng yirik g'alabasi – 7:1 ga teng. “Qo'qon-1912”da bu ko'rsatkich 4:2 bo'lib turibdi.

O'tgan yil birinchi davrada Qo'qonda 2:2 hisobi qayd etilgan. Igor Sergeev hisobni ochgan, bunga Nosir Otaqo'ziev va Bahodir Akramovning gollari bilan javob berilgan. Bahs so'nggida Anvar Soliev to'p kiritib “Paxtakor”ni mag'lubiyatdan saqlab qolgan edi – 2:2. Toshkentda Vladimir Kozak (2ta), Igor Sergeev va Kaxi Maxaradzening gollariga Otabek Haydarov javob bergandi _ 4:1.

Toshkentda o'tgan so'nggi besh uchrashuv:
08.08.2015 Paxtakor - Qo'qon-1912 4:1
18.03.2003 Paxtakor - Qo'qon-1912 5:1
30.08.2002 Paxtakor - Qo'qon-1912 5:0
26.08.2000 Paxtakor - Qo'qon-1912 7:1
09.10.1999 Paxtakor - Qo'qon-1912 3:2

O'zaro o'yinlar haqida fakt: Bu jamoalarning Toshkentda o'tgan o'yinlarida “Paxtakor” 9 bor zafar quchgan. “Qo'qon--1912” faqat bir marta (1994 yil) safardan g'alaba bilan qaytgan.  “SHerlar” o'z maydonlaridagi oxirgi 4ta o'yinda bu jamoa darvozasiga kamida 4tadan gol urishgan.