Prevyu. "Olmaliq" - "Nasaf"
11 mar 2016 09:30
Yangiliklar

Prevyu. "Olmaliq" - "Nasaf"

Oliy liganing 2-turida Igor SHkvirin boshchiligidagi "Olmaliq" o'z maydonida Ro'ziqul Berdiev boshchiligidagi "Nasaf"ni qabul qiladi.

Olmaliq (Olmaliq) – Nasaf (Qarshi)
11 mart 2016. Olmaliq. "OKMK" stadioni. 17:00
Hakamlar: V. Ceytlin (Toshkent), M. Saidqosimov (Toshkent), R. SHoyaxmetov (Toshkent), R. Lutfulin (Toshkent)
Nazoratchi: A. Abdullaev (Toshkent).

“Olmaliq” va “Nasaf” oliy ligada jami 16 bora to'qnash kelishgan. Natijalar “Nasaf”ning ustunligini ko'rsatmoqda. Qarshiliklar 8ta o'yinda g'olib bo'lishgan. 7ta o'yinda durang qayd etilgan. “Olmaliq” shu kungacha “Nasaf”ni bir marta mag'lub etgan. To'plar nisbatida ham “Nasaf” oldinda - 26:14. O'zaro o'yinlarda “ajdarlar” 31 ochkoni, “Olmaliq” esa 10 ochkoni qo'lga kiritgan.

“Nasaf”ning o'zaro o'yinlarda qozongan eng yirik g'alabasi – 4:0 ga teng. “Olmaliq”da bitta g'alaba – 2:0.

O'tgan yil qaysi klub o'z maydonida o'ynasa o'sha jamoa 2:0 hisobida g'olib bo'lgan. Olmaliqdagi uchrashuvda Eldor Suyunov o'z darvozasiga to'p kiritib qo'ygan. Arslonmurod Omonov esa ikkinchi bor “Nasaf”ni ranjitgan – 2:0. Qarshida Azamat Allaniyozov va SHohruh Gadoev gol urishgan – 2:0.

Olmaliqda bo'lib o'tgan so'nggi besh uchrashuv:
23.03.2015 Olmaliq - Nasaf 2:0
22.06.2014 Olmaliq - Nasaf 1:1
08.11.2013 Olmaliq - Nasaf 2:2
03.08.2012 Olmaliq - Nasaf 0:1
22.10.2011 Olmaliq - Nasaf 0:0

O'zaro o'yinlar haqida fakt: Olmaliqda bo'lib o'tgan sakkiz o'yindan beshtasida durang qayd etilgan. Ikki uchrashuvda “Nasaf” g'alaba qozongan, bitta uchrashuvda “Olmaliq” g'olib bo'lgan. “Olmaliq” o'z uyida oxirgi 3 yilda bu raqibga yutqazmagan.