Prevyu. "Neftchi" - "Navbahor"

Neftchi (Farg'ona) – Navbahor (Namangan)
12 mart 2016. Farg'ona. "Istiqlol" stadioni. 17:00
Hakamlar: R. Ermatov (Toshkent), A. Rasulov (Toshkent), J. Saidov (Toshkent), D. Muxtorov (Toshkent)
Nazoratchi: S. Najafaliev (Toshkent).

“Navbahor” va “Neftchi” oliy ligada 48 bor kuch sinashishgan. Ustunlik “Neftchi” tomonida. 24ta o'yinda farg'onaliklar raqibni mag'lub etishgan, 12 uchrashuvda durang natija qayd etilgan. Yana 12ta o'yinda “Navbahor” zafar quchgan. “Neftchi” o'zaro o'yinlarda 73 bor raqib darvozasiga yo'l topa olgan. “Lochinlar” esa 48 bor gol kiritishgan. “Neftchi” o'zaro o'yinlarda 84 ochkoni qo'lga kiritgan bo'lsa, “Navbahor” hisobida 48 ochko mavjud. “Navbahor”ning “Neftchi” ustidan qozongan eng yirik g'alabasi – 3:0 bo'lib turibdi. “Neftchi”ning yirik g'alabasi esa – 4:1.

O'tgan mavsum jamoalar o'z maydonlarida g'alaba qozonishgan. “Neftchi” mezbon bo'lgan uchrashuvda Otabek Haydarov tomonidan urilgan yagona gol bahs taqdirini ha qilgan – 1:0. Namanganda esa Ulug'bek Baqoev “lochinlar”ga 3 ochko taqdim etgan – 1:0.

Farg'onada o'tgan so'nggi besh uchrashuv:
04.04.2015 Neftchi - Navbahor 1:0
15.08.2014 Neftchi - Navbahor 1:0
29.06.2013 Neftchi - Navbahor 2:0
27.08.2012 Neftchi - Navbahor 3:0
30.07.2011 Neftchi - Navbahor 1:1

O'zaro o'yinlar haqida fakt: “Neftchi” uyida tashkil etilgan uchrashuvlarning 19tasida uch ochkoni qo'lga kiritgan. 3 marta g'olib aniqlanmagan. Faqat 2 bor “Navbahor” raqib maydonidan muvaffaqiyat bilan ortiga qaytgan. Farg'onada bo'lib o'tgan oxirgi 11ta o'yinda “lochinlar” g'alaba qozona olishmagan.