PREVYU. NEFTCHI – BUXORO

Neftchi (Farg'ona) – Buxoro (Buxoro)
3 avgust. Qirguli. “Neftchi SK” stadioni. 17:30
Hakamlar: R. Ermatov (Toshkent), A. Rasulov (Toshkent), J. Saidov (Toshkent), A. Ergashev (Toshkent).
Nazoratchi: I. Nexochin (Namangan).

Bu ikki klubning yo'llari oliy liga o'yinlarida 43 bor kesishgan. Ustunlik “Neftchi” tomonida. 32ta o'yinda farg'onaliklarning qo'li baland kelgan bo'lsa, 9ta uchrashuvda “Buxoro” g'olib bo'lgan. Ikki uchrashuvda g'olib aniqlanmagan. To'plar nisbati “Neftchi” foydasiga 94:35. O'zaro o'inlarda “Neftchi” 98 ochkoni, “Buxoro” esa 29 ochkoni qo'lga kiritgan.

“Neftchi” oliy ligada “Buxoro” ustidan 5:0 hisobida g'alaba qozongan. Bu o'zaro o'yinlardagi vodiy klubining eng yirik g'alabasidir. “Buxoro”ning o'zaro o'yinlardagi eng yirik g'alabasi esa 4:1 bo'lib turibdi.

Birinchi turda Buxorodagi o'yinda muxlislar faqat bitta gol ko'rishgan. Feruz Boboqulov birinchi bo'lim o'rtalarida “Neftchi”ni ranjitgandi – 1:0.

Farg'onada o'tgan so'nggi besh uchrashuv:
17.08.2013 Neftchi - Buxoro 1:0
01.07.2012 Neftchi - Buxoro 3:1
25.08.2011 Neftchi - Buxoro 2:0
26.09.2009 Neftchi - Buxoro 3:1
30.06.2008 Neftchi - Buxoro 2:0

O'zaro o'yinlar haqida fakt: “Neftchi” o'z maydonida bo'lib o'tgan uchrashuvlarda ushbu raqibga umuman imkoniyat qoldirmagan. Vodiyda tashkil etilgan 21ta bahsning barchasida mezbonlar uch ochkoga ega chiqishgan!