Prevyu. "Nasaf" - "Qizilqum"

Nasaf (Qarshi) – Qizilqum (Navoiy)
8 may 2016. Qarshi. "Markaziy" stadioni. 18:45
Hakamlar: V. Agishev (Toshkent), V. Lushin (Guliston), A. Burov (Buxoro), SH. Rajabov (Buxoro)
Nazoratchi: I. Nexochin (Namangan).

“Nasaf” hamda “Qizilqum” klublari oliy ligada shu kungacha 32 bor kuch sinashishgan. “Ajdarlar” 20ta o'yinda g'alaba qozonishgan. 6ta uchrashuvda “Qizilqum”ning qo'li baland kelgan. Bu jamoalar o'rtasidagi o'yinlarda 6 marta durang qayd etilgan. To'plar nisbatida ustunlik “Nasaf” tomonida: 60:34. “Ajdarlar” o'zaro o'yinlarda 66 ochkoga ega bo'lishgan, “Qizilqum” esa 24 ochkoni qo'lga kiritgan. “Nasaf”ning “Qizilqum” ustidan qozongan eng yirik g'alabasi 7:1ga teng bo'lsa, “Qizilqum”ning qarshiliklar ustidan erishgan eng yirik g'alabasi – 3:1.

Bir yil oldin Qarshida mezbonlar 3:1 hisobida zafar quchishgan. Artur Gevorkyan va SHohruh Gadoev (2ta) tomonidan urilgan gollarga navoiyliklar to'purari Bahriddin Vahobov javob bergandi – 3:1. Navoiyda ham “Nasaf” 3 ochkoga ega chiqqandi. Azamat Allaniyozov va Artur Gevorkyan mehmonlar safida, Alisher Xoliqov mezbonlar tarkibida gol urishgandi – 1:2.

Qarshida bo'lib o'tgan so'nggi besh uchrashuv:
16.04.2015 Nasaf - Qizilqum 3:1
25.10.2014 Nasaf - Qizilqum 2:0
29.06.2013 Nasaf - Qizilqum 7:1
07.05.2012 Nasaf - Qizilqum 2:0
01.11.2011 Nasaf - Qizilqum 2:1

O'zaro o'yinlar haqida fakt: Bu jamoalar o'rtasidagi “Nasaf” uyida kechgan bahslarda mezbonlar 13 marta g'alaba qozonishgan. Ikki o'yinda durang qayd etilgan. “Qizilqum” esa safardan faqat bir marta (2008 yil) bor uch ochko bilan qaytgan. Oxirgi 7ta o'yinda “Nasaf” o'z maydonida bu raqibni faqat mag'lub etgan.