Prevyu. "Nasaf" - "Navbahor"

Nasaf (Qarshi) – Navbahor (Namangan)
25 sentyabr 2015. Qarshi. "Markaziy" stadioni. 18:30
Hakamlar: R. Ermatov (Toshkent), A. Rasulov (Toshkent), J. Saidov (Toshkent), D. Jalimov (Nukus)
Nazoratchi: I. Mustafin (Toshkent).
O'zPFL vakili: A. Inoyatov.

Bu ikki klubning yo'llari oliy liga o'yinlarida 37 bor kesishgan. Ustunlik “Nasaf” tomonida. 19ta o'yinda qarshiliklarning qo'li baland kelgan bo'lsa, 10ta uchrashuvda “Navbahor” g'olib bo'lgan. Sakkiz uchrashuvda g'olib aniqlanmagan. To'plar nisbati ham “Nasaf” foydasiga. “Ajdarlar” shu kunga qadar o'zaro o'yinlarda 58ta gol kiritib o'z darvozalaridan 56 marta to'p olib chiqishgan. O'zaro o'inlarda “Ajdarlar” 65 ochkoni, “Navbahor” esa 38 ochkoni qo'lga kiritgan.

“Navbahor” oliy ligada “Nasaf” ustidan 6:0 hisobida g'alaba qozongan. Bu o'zaro o'yinlardagi namanganliklarning eng yirik g'alabasi hisoblanadi. “Nasaf”ning o'zaro o'yinlardagi bu raqib ustidan erishgan eng yirik g'alabasi esa 5:0 bo'lib turibdi.

Dastlabki davrada hisobni “Nasaf” himoyachisi Maqsud Karimov ochgandi. Bunga namanganliklar so'nggi daqiqalarda Mo'ydin Mamazulumovning goli bilan javob berishgandi – 1:1.

Qarshida o'tgan so'nggi besh uchrashuv:
22.08.2014 Nasaf - Navbahor 1:0
23.10.2013 Nasaf - Navbahor 5:0
20.05.2012 Nasaf - Navbahor 1:1
25.08.2011 Nasaf - Navbahor 3:2
19.09.2010 Nasaf - Navbahor 1:0

O'zaro o'yinlar haqida fakt: “Nasaf” oliy ligada o'z maydonida 15ta o'yinda “Navbahor”ni mag'lub etgan. Bitta uchrashuvda durang qayd etilgan. Ikkita bahsda “lochinlar” vohadan g'alaba bilan qaytishgan. “Navbahor” Qarshida 15 yildan buyon raqibni mag'lub eta olmayapti.