Prevyu. "Nasaf" - "Bunyodkor"

Nasaf (Qarshi) – Bunyodkor (Toshkent)
26 oktyabr 2015. Qarshi. "Markaziy" stadioni. 17:00
Hakamlar: V. Kovalenko (Toshkent), M. Saidqosimov (Toshkent), O. Jumaev (Navoiy), O. To'ychiboev (Toshkent)
Nazoratchi: R. Aytekov (Toshkent).

“Nasaf” va “Bunyodkor” oliy ligada jami 17 bora to'qnash kelishgan. Natijalar “Bunyodkor”ning ustunligini ko'rsatmoqda. SHu kunga qadar “Bunyodkor” 8ta o'yinda g'alaba qozongan. Olti o'yin durang bilan yakunlangan. “Nasaf” bugunga qadar “Bunyodkor”ni uch marta mag'lubiyatga uchratgan. “Bunyodkor” 24ta to'p kiritgan, “Nasaf” esa toshkentliklar darvozasini 9 bora aniq nishonga olgan. “Qaldirg'ochlar” o'zaro o'yinlarda 30 ochko ishlab olishgan bo'lsa, “ajdarlar”ning ushbu ko'rsatkichi 15taga teng.

“Bunyodkor”ning o'zaro o'yinlarda “Nasaf" ustidan qozongan eng yirik g'alabasi – 5:0 ga teng. “Nasaf”ning yirik g'alabasi esa – 2:0.

Birinchi davra Toshkentda o'tgan uchrashuvda tomonlar har qancha harakat qilishsa ham raqib darvozasiga yo'l topa olishmagandi – 0:0.
 
Qarshida o'tgan so'nggi besh uchrashuv:  
19.05.2014 Nasaf - Bunyodkor 2:0
03.11.2013 Nasaf - Bunyodkor 1:0
26.08.2012 Nasaf - Bunyodkor 0:0
13.08.2011 Nasaf - Bunyodkor 0:0
02.10.2010 Nasaf - Bunyodkor 0:1

O'zaro o'yinlar haqida fakt: Bu jamoalar Qarshida 8 bor kuch sinashishgan. SHundan 2tasida “ajdarlar” g'alabaga erishishgan. “Bunyodkor” safarda bu jamoani ikki marta mag'lub eta olgan. Qolgan 4 uchrashuvda g'olibni aniqlashning imkoni bo'lmagan. “Bunyodkor” Qarshidagi oxirgi 4ta o'yinda gol ham ura olmagan, g'alaba ham qozona olmagan.