PREVYU. MASH'AL – SO'G'DIYONA

Mashal (Muborak) – So'g'diyona (Jizzax)
3 avgust. Muborak. Bahrom Vafoev nomidagi stadion. 18:30.
Hakamlar: SH. Qosimov (Toshkent), R. Samandarov (Navoiy), O. Jumaev (Navoiy), A. Mo'minov (Toshkent viloyati).
Nazoratchi: B. Galeev (Urganch).

“Mashal” va “So'g'diyona” oliy ligada 19 bora to'qnash kelishgan. Natijalar Muborak jamoasining katta ustunligini ko'rsatmoqda.

“Mashal” 10 marta bu jamoani taslim qilgan. “So'g'diyona” 4 marta g'alaba qozongan va 5 bor durang o'ynagan. “Mashal” to'plar nisbatida ham ustunlikka ega – 29:17. “Gazchilar” o'zaro o'yinlarda 35, “So'g'diyona” esa 17 ochkoni o'z hisobiga yozib qo'ygan. Jizzaxliklarning ning o'zaro o'yinlardagi eng yirik g'alabasi 3:0, “Mashal”ning eng yirik muvaffaqiyati 5:1ga teng.

Birinchi davrada “So'g'diyona” maydonida bo'lib o'tgan o'yinda durang qayd etilgan. Mezbonlar vakili Suxrob Berdievning birinchi bo'limda urgan goliga ikkinchi bo'limda Zohir Qo'ziboev javob bergandi – 1:1.

Muborakda o'tgan so'nggi besh uchrashuv:
21.05.2011 Mashal - So'g'diyona 1:1
09.11.2009 Mashal - So'g'diyona 2:0
02.11.2008 Mashal - So'g'diyona 0:0
10.08.2006 Mashal - So'g'diyona 3:0
15.04.2005 Mashal - So'g'diyona 5:1

O'zaro o'yinlar haqida fakt: “Mashal” o'z maydonida besh bora “So'g'diyona”dan ustun kelgan. Uchta uchrashuvda g'olibni aniqlashning imkoni bo'lmagan. Jizzax klubi safardan faqat bir marta (2004 yil) uch ochko bilan qaytgan.