Prevyu. "Mashal" - "Paxtakor"

MASH'AL – PAXTAKOR
5 aprel. Muborak. “B.Vafoev nomidagi” stadion. 16:30
Hakamlar: R.Ermatov, A.Rasulov, J.Saidov, E.Tursunov
Nazoratchi: R.Serazetdinov.

“Mashal“ hamda “Paxtakor“ shu kunga qadar o'zaro 26 marotaba kuch sinashishgan. Natijalar “Paxtakor”ning ustunligini ko'rsatmoqda. Toshkentliklar 26 bahsning 17tasida g'alaba qozonishgan. Beshta uchrashuvda tomonlar murosa ko'chasini tanlashgan va 4ta o'yinda “Mashal”ning qo'li baland kelgan. To'plar nisbati ham “sherlar” foydasiga 50-18. O'zaro o'yinlarda “Paxtakor” 56 ochoni qo'lga kiritgan bo'lsa, “Mashal” 17 ochkolik bo'lgan.

“Mashal”ning “Paxtakor” ustidan qozongan eng yirik g'alabasi – 2:0. O'z navbatida “Paxtakor”ning  “Mashal” ustidan qozongan eng yirik g'alabasi esa – 4:1 ni tashkil etadi.

O'tgan yil “Mashal” birinchi ligada o'ynagan. SHu bois ikki jamoa o'rtasidagi so'nggi to'qnashuvlari 2012 yilda bo'lib o'tgan. O'sha yil Muborakdagi bahsda Irakli Klimiashvili, Ilhom Suyunov va Temurxo'ja Abduxoliqovning urgan gollari “sherlar”ga g'alaba keltirgan – 3:0. Xuddi shu hisob Toshkentda ham kuzatilgan. Bu safar SHaxboz Erkinov, Kaxi Maxaradze va Abbos Maxstaliev o'zini ko'rsatgan – 3:0.   

Muborakda o'tgan so'nggi besh uchrashuv:
10.05.2012  Mashal – Paxtakor  0:3
24.04.2011  Mashal – Paxtakor  1:0
25.09.2010  Mashal – Paxtakor  1:2
24.08.2009  Mashal – Paxtakor   0:0
18.04.2008  Mashal – Paxtakor   0:0

O'zaro o'yinlar haqida fakt : “Mashal” o'z uyida o'tgan 13ta o'yindan 6tasida “Paxtakor”ga mag'lub bo'lgan. 4 bor maydon egalari zafar quchishgan, 3 marta durang qayd etilgan.