Prevyu. "Mashal" - "Lokomotiv"

Mashal (Muborak) – Lokomotiv (Toshkent)
21 may. Muborak. Bahrom Vafoev nomidagi stadion. 17:30
Hakamlar: R. Bobomurodov (Navoiy), R. Samandarov (Navoiy), O. Jumaev (Navoiy), E. Tursunov (Buxoro)
Nazoratchi: S. Najafaliev (Toshkent).

“Mashal“ va “Lokomotiv“ oliy ligada jami 16 marotaba kuch sinashishgan. Natijalar “Mashal”ning ustunligini ko'rsatmoqda. “Mashal” 16 bahsning 9tasida g'alaba qozongan. Bitta uchrashuvda tomonlar murosa ko'chasini tanlashgan va 6ta o'yinda “Lokomotiv”ning qo'li baland kelgan. To'plar nisbati ham “Mashal” foydasiga 23:15. O'zaro o'yinlarda “Mashal” 28 ochoni qo'lga kiritgan bo'lsa, “Lokomotiv” 19 ochkolik bo'lgan.

“Lokomotiv”ning “Mashal” ustidan qozongan eng yirik g'alabasi – 2:0. O'z navbatida “Mashal”ning  “temiryo'lchilar” ustidan qozongan eng yirik g'alabasi – 4:1 ni tashkil etadi.

O'tgan yil “Mashal” oliy ligada ishtirok etmagan. 2012 yil bu jamoalar o'rtasidagi o'yinlarda “Lokomotiv” g'alaba qozongandi. Toshkentda Islom To'xtaxo'jaev tomonidan urilgan yagona gol "Loko"ga uch ochko keltirgandi - 1:0. "Mashal" maydonida tashkil etilgan bahsda Zayniddin Tojiev penaltidan gol urib mehmonlarni hisobda oldinga olib chiqqan, birinchi bo'limning o'zida Milorad Risanovich penaltidan to'p kiritib hisobni tenglashtirgandi. 90-daqiqada Aleksandr SHadrin "temiryo'lchilar"ga g'alaba keltiruvchi golni urgandi - 1:2.

Muborakda o'tgan so'nggi besh uchrashuv:
26.08.2012  Mashal – Lokomotiv  1:2
15.05.2010  Mashal – Lokomotiv  1:0
09.10.2009  Mashal – Lokomotiv  1:0
18.05.2008  Mashal – Lokomotiv  2:1
22.09.2007  Mashal – Lokomotiv  4:1

O'zaro o'yinlar haqida fakt : “Mashal” klubi o'z uyida “Lokomotiv”ga qarshi kechgan 8ta o'yindan faqat ikkitasida mag'lub bo'lgan. Qolgan 6ta o'yinda muborakliklar zafar quchishgan. “Temiryo'lchlar” 2006 va 2012 yillarda safarda zafar quchishgan.