Prevyu. "Dinamo" - "Bunyodkor"
12 okt 2015 09:00
Yangiliklar

Prevyu. "Dinamo" - "Bunyodkor"

Bugun oliy liganing 25-turidan o'rin olgan "Dinamo" - "Bunyodkor" uchrashuvi bo'lib o'tadi.

Dinamo (Samarqand) – Bunyodkor (Toshkent)
12 oktyabr 2015. Samarqand. "Dinamo" stadioni. 16:00
Hakamlar: V. Ceytlin (Toshkent), T. Gaynulin (Toshkent), A. Kalinin (Qarshi), N. Qosimov (Qarshi)
Nazoratchi: F. Abdullaev (Toshkent).

“Dinamo” va “Bunyodkor” oliy ligada 17 bora to'qnash kelishgan. Natijalar “qaldirg'ochlar”ning kattagina ustunligini ko'rsatmoqda. “Bunyodkor” 15ta o'yinda g'olib bo'lgan, 1ta o'yin durang hisobida yakunlangan. “Dinamo” ushbu raqibni hozirga bir marta mag'lub etgan. To'plar nisbatida ham ustunlik “Bunyodkor” tomonida - 34:7. O'zaro o'yinlarda “Dinamo” 4, “Bunyodkor” esa 46 ochkoni qo'lga kiritgan.

“Bunyodkor”ning o'zaro o'yinlarda qozongan eng yirik g'alabasi – 4:0ga teng. “Dinamo”ning yagona g'alabasi – 1:0.

Birinchi davrada Toshkentdagi bahsda bitta gol urilgan. Ikkinchi bo'lim oxirida hozirda "Al Jayish" sharafini himoya qilayotgan Sardor Rashidov to'p kiritib "qaldirg'ochlar"ga g'alaba keltirgan - 1:0.

Samarqandda bo'lib o'tgan so'nggi besh uchrashuv:
06.04.2014 Dinamo - Bunyodkor 0:2
18.04.2013 Dinamo - Bunyodkor 0:3
21.05.2012 Dinamo - Bunyodkor 0:1
15.04.2011 Dinamo - Bunyodkor 0:1
12.09.2010 Dinamo - Bunyodkor 1:2

O'zaro o'yinlar haqida fakt: “Bunyodkor” ushbu raqib maydonidagi 8ta o'yinning 7tasida g'olib bo'lgan. Bitta uchrashuvda (2007 yil) Samarqand klubi o'z maydonida durang o'ynagan.