Prevyu. "Dinamo" - "Bunyodkor"

DINAMO – BUNYODKOR
6 aprel. Samarqand. “Dinamo” stadioni. 16:00
Hakamlar: A.Asimov, A.Snetkov, F.Hasanov, A.Rubakov
Nazoratchi: A.Arutyunov.

“Dinamo” va “Bunyodkor” oliy ligada 14 bora to'qnash kelishgan. Natijalar “qaldirg'ochlar”ning kattagina ustunligini ko'rsatmoqda. “Bunyodkor” 13ta o'yinda g'olib bo'lgan, 1ta o'yin durang hisobida yakunlangan. “Dinamo” ushbu raqibni hozirga qadar umuman mag'lub eta olmagan. To'plar nisbatida ham ustunlik “Bunyodkor” tomonida - 31:6. O'zaro o'yinlarda “Dinamo” 1, “Bunyodkor” esa 40 ochkoni qo'lga kiritgan.

“Bunyodkor”ning o'zaro o'yinlarda qozongan eng yirik g'alabasi – 4:0ga teng. “Dinamo”da g'alaba yo'qligi haqida aytib o'tdik.

O'tgan yilgi har ikkala bahsda ham “qaldirg'ochlar” g'olib bo'lishgan. Samarqanddagi uchrashuvda Oleksandr Pishur ikkita, Marko Blajich bitta gol urgan – 0:3. Toshkentdagi javob bahsida Farrux SHotursunov hisobni ochgandi. Bunga javoban “qaldirg'ochlar” safida Lutfulla To'raev, Jasur Hasanov va Oleksandr Pishur (2ta) gol urishgan – 4:1.

Samarqandda bo'lib o'tgan so'nggi besh uchrashuv:
18.04.2013  Dinamo - Bunyodkor 0:3
21.05.2012  Dinamo - Bunyodkor 0:1
15.04.2011  Dinamo - Bunyodkor 0:1
12.09.2010  Dinamo - Bunyodkor 1:2
01.03.2009  Dinamo - Bunyodkor 0:1

O'zaro o'yinlar haqida fakt: “Dinamo” “Bunyodkor”ga qarshi o'yinlardagi yagona durangni o'z maydonida (2007 yil) qo'lga kiritgan. SHundan so'ng bu jamoalar o'rtasida bo'lib o'tgan ketma-ket 13ta o'yinda “qaldirg'ochlar” xoh safarda bo'lsin, xoh uyda raqibni mag'lub etib kelishmoqda. “Dinamo” 2010  yildan buyon o'z uyida “Bunyodkor”ga gol ura olmayapti.


Narzulla Saydullaev.