Prevyu. "Buxoro" - "Nasaf"

Buxoro (Buxoro) – Nasaf (Qarshi)
24 aprel 2016. Buxoro. "Buxoro" stadioni. 18:00
Hakamlar: V. Ceytlin (Toshkent), A. Usmonov (Toshkent), A. Sidorov (Toshkent), I. Ibragimov (Nukus)
Nazoratchi: F. Abdullaev (Toshkent).
O'zPFL vakili: A. Frolov.

Bu ikki klubning yo'llari oliy liga o'yinlarida 36 bor kesishgan. Ustunlik “Nasaf” tomonida. 36 o'yindan 18tasida qarshiliklarning qo'li baland kelgan bo'lsa, 9 uchrashuvda “Buxoro” g'olib bo'lgan. 9ta uchrashuvda g'olib aniqlanmagan. To'plar nisbati ham “ajdarlar” foydasiga. Qarshiliklar shu kunga qadar o'zaro o'yinlarda 62ta to'p kiritib o'z darvozasidan 37 marta to'p olib chiqishgan. O'zaro o'ynlarda “Nasaf” 63 ochkoni, “Buxoro” esa 36 ochkoni qo'lga kiritgan.

“Nasaf” oliy ligada “Buxoro” ustidan 6:0 hisobida g'alaba qozongan. Bu o'zaro o'yinlardagi “ajdarlar”ning eng yirik g'alabasidir. “Buxoro”ning o'zaro o'yinlardagi “Nasaf” ustidan erishgan eng yirik g'alabasi esa 5:1 bo'lib turibdi.

O'tgan yil Buxoroda Ilhom SHomurodov va Artur Gevorkyanning gollari “ajdarlar”ga g'alaba keltirgandi – 2:0. Qarshida esa hisob ochilmagandi – 0:0.

Buxoro o'tgan so'nggi besh uchrashuv:
12.04.2015 Buxoro - Nasaf 0:2
15.08.2014 Buxoro - Nasaf 0:2
29.10.2013 Buxoro - Nasaf 1:5
26.06.2012 Buxoro - Nasaf 1:0
22.04.2011 Buxoro - Nasaf 1:1

O'zaro o'yinlar haqida fakt: “Buxoro” o'z uyida 9 bor “Nasaf”ni taslim qilgan. To'rtta uchrashuv durang bilan tugagan. “Ajdarlar” besh marta Buxorodan uch ochko bilan qaytgan. Oxirgi uch bahsda “Nasaf” safardan uch ochko bilan qaytgan.