Prevyu. "Buxoro" - "Dinamo"

BUXORO – DINAMO
20 mart 2015. Buxoro. "Buxoro" stadioni. 17:00
Hakamlar: A. Asimov (Toshkent), T. Galeev (Toshkent), A. Po'latov (Toshkent), N. Boltaev (Navoiy)
Nazoratchi: A. Arutyunov (Toshkent).

“Buxoro” hamda “Dinamo” klublari oliy ligada shu kungacha 40 bor kuch sinashishgan. “Buxoro” 20ta o'yinda g'alaba qozongan. 14ta uchrashuvda “Dinamo”ning qo'li baland kelgan. 6ta o'yinda durang qayd etilgan. To'plar nisbatida ustunlik “Buxoro” tomonida: 56:50. “Buxoro” o'zaro o'yinlarda 66 ochkoga ega bo'lgan, “Dinamo” esa 48 ochkoni qo'lga kiritgan. “Dinamo”ning “Buxoro” ustidan qozongan eng yirik g'alabasi 4:1ga teng bo'lsa, “Buxoro”ning samarqandliklar ustidan erishgan eng yirik g'alabasi – 6:0.

O'tgan yil har ikkala bahsda ham durang qayd etilgan. Buxoroda samarqandliklar Farrux SHotursunovning goli evaziga hisobda oldinga chiqib olishgan. Unda Predrag Vuyovich javob bergandi – 1:1. Samarqandda bo'lib o'tgan bahsda tomonlar 90 daqiqa ichida gol ura olishmagan – 0:0.

Buxoroda bo'lib o'tgan so'nggi besh uchrashuv:
14.06.2014 Buxoro - Dinamo 1:1
21.09.2013 Buxoro - Dinamo 0:2
17.08.2012 Buxoro - Dinamo 2:0
01.11.2011 Buxoro - Dinamo 2:1
18.04.2009 Buxoro - Dinamo 2:0

O'zaro o'yinlar haqida fakt: Buxoroda bo'lib o'tgan 20ta o'yinning 14tasida “Buxoro” g'alaba qozongan. Ikkita bahsda jamoalar durang o'ynashgan. 4ta uchrashuvda “Dinamo” safarda bo'lishiga qaramay uch ochkoga ega bo'lgan.