Prevyu. "Andijon" - "Paxtakor"

Andijon (Andijon) – Paxtakor (Toshkent)
1 iyul 2015. Andijon. “Sog'lom avlod” stadioni. 18:30
Hakamlar: SH. Qosimov (Toshkent), X. SHodmonov (Buxoro), A. Capenko (Toshkent vil.), B. Yulcharaev (Guliston)
Nazoratchi: F. Abdullaev (Toshkent).

“Andijon” va “Paxtakor” oliy ligada jami 42 bora to'qnash kelishgan. Natijalar “Paxtakor”ning ustunligini ko'rsatmoqda. Toshkentliklar 31ta o'yinda g'olib bo'lishgan. 8ta o'yinda durang qayd etilgan. “Andijon” hisobida 3ta g'alaba bor. To'plar nisbatida ham “Paxtakor” oldinda - 103:31. O'zaro o'yinlarda “sherlar” 101 ochkoni, “burgutlar” esa 17 ochkoni  qo'lga kiritgan.

“Andijon”ning o'zaro o'yinlarda qozongan eng yirik g'alabasi – 2:1ga teng. “Paxtakor”ning eng yirik g'alabasi 6:1.

O'tgan yil har ikkala bahsda ham “Paxtakor” g'alaba qozongan. Andijondagi bahs taqdirini Boyan Miladinovich tomonidan urilgan gol hal qilgan – 0:1. Toshkentda Bahodir Pardaev va Egor Krimecning gollari evaziga “burgutlar” mag'lub etilgandi – 2:0.

Andijonda bo'lib o'tgan so'nggi besh uchrashuv:
15.03.2014 Andijon - Paxtakor 0:1
21.09.2012 Andijon - Paxtakor 2:4
01.07.2011 Andijon - Paxtakor 2:1
16.10.2010 Andijon - Paxtakor 1:1
05.03.2009 Andijon - Paxtakor 0:0

O'zaro o'yinlar haqida fakt: Andijonda bu jamoalar o'rtasida bo'lib o'tgan 21ta bahsning uchtasida “burgutlar” g'alaba qozonishgan. Beshta bahsda g'olib aniqlanmagan. 13 uchrashuv “sherlar”ning muvaffaqiyati bilan tugagan.