Pep Gvardiola: “Brayton”ga qarshi o'yin oldidan hech qanday xavotirni his qilayotganim yo'q”

Ushbu bellashuvdagi g'alaba “Siti”ga navbatdagi chempionlikni taqdim etadi.

“Men judayam xursandman. Umuman asabiylashayotganim yo'q.   Men “Ettihad”da “Liverpul”ga qarshi bahs oldidan xavotirda edim. CHunki o'shanda mavsum yakuniga besh oy qolganida ulardan etti ochko orqada edik. Ammo hozir vaziyat boshqacha. Men yosh bolalardek miriqib uxladim. Peshqadamlik bu orzu, sharaf. Menga bu yoqadi.

Betakror muxlislarimiz bizni qo'llab-quvvatlash uchun safar o'yiniga tashrif buyurishgan, ular ham Premer ligadagi g'alabamizni tantana qilishmoqchi. Har bir o'yindan oldin futbolchilarimga shunday deyman: “Maydonga chiqinglar va oxirgi ikki mavsumda qanday o'ynagan bo'lsanglar, shunday o'yin ko'rsatinglar. Doim yodinglarda bo'lsin: maydonda har qanday holat sodir bo'lishidan qatiy nazar, sizlar betakrorsizlar”, deydi Gvardiola.