"Paxtakor": Omadli muxlislar

Uy o'yinlarida muxlislarga ko'proq qulaylik yaratish va futbol uchrashuvini haqiqiy bayramga xos tarzda o'tkazishni maqsad qilgan "Paxtakor" FK rahbariyati tanaffus vaqtida sotilgan chiptalar asosida sovrinli o'yinni tashkil etishni davom ettiryapti. "Olmaliq" bilan uchrashuvda omadli ishqibozlar 4ta futbol to'pi, 2tadan televizor, DVD pleer va I Phone 5 S telefonlari bilan bir qatorda jamoa razmlari tushirilgan atributkalarni esdalik sovg'alari sifatida qabul qilib olishdi.

"Paxtakor" o'z maydonidagi navbatdagi uchrashuvni O'zbekiston Kubogining o'n oltidan bir final bosqichi doirasida "Xorazm" bilan o'tkazadi. Uchrashuv 18 aprel kuni "Paxtakor" Markaziy stadionida soat 18:00da start oladi. Bu safar ham stadionga tashrif buyuradigan ishqibozlarda "Paxtakor" futbol klubining turli esdalik sovg'alarini yutib olish imkoniyati yuzaga keladi. Ular klub ramzi tushirilgan turli esdalik buyum-atributkalar bilan uylariga qaytishlari mumkin. SHuningdek, bir necha ishqiboz "Fitness House" sog'lomlashtirish markaziga bepul oylik abonementlar sohiblariga aylanadi. CHiptalar stadion kassalarida 2000 so'mdan sotiladi.