"Paxtakor": "Dinamo" Tbilisi afsonalari bilan tanishing

Uchrashuv Gruziyaning "Dinamo" jamoasi Sobiq Ittifoq chempionatida ilk bor oltin medallarni qo'lga kiritganiga 50 yil to'lishi munosabati bilan o'tkaziladi. 1964 yil "Dinamo" birinchi o'rin uchun "Paxtakor" stadionida o'tgan "oltin" o'yinda "Torpedo"ni 4:1 hisobida mag'lubiyatga uchratib, o'zining ilk chempionligini nishonlagan. Ushbu tarixiy voqeani munosib nishonlash maqsadida tbilisiliklarning faxriy futbolchilari Toshkentda "Paxtakor" faxriylari bilan bellashuvda maydonga tushishadi.

Toshkentga Gruziya futboli faxriylaridan Vladimir Barkaya, Georgiy Sichinava, Aleksandr CHivadze, Vladimir Gucaev, Otar Gabeliya, Nukri Kakilashvili va Kaxa Cxadadze tashrif buyuradi.

Saytimiz tbilisiliklarning faxriy futbolchi mehmonlari haqida malumot berib o'tadi.


Vladimir Barkaya,
SSSR chempioni: 1964 (Toshkentdagi o'yin qatnashchisi)

Georgiy Sichinava,
SSSR chempioni 1964 (Toshkentdagi o'yin qatnashchisi)
1966 yil Angliyadagi jahon chempionati ishtirokchisi (4-o'rin)

Aleksandr CHivadze,
SSSR chempioni: 1978
SSSR Kubogi sohibi: 1976, 1979
UEFA Kubok egalari Kubogi sohibi: 1981
SSSRning eng yaxshi futbolchisi: 1980
Mavsumning eng yaxshi 33 futbolchisi ro'yxatidan 8 bor joy olgan
Olimpiada o'yinlari bronza medali sovrindori: 1980
UEFA "Xizmatlari uchun" ordeni sohibi: 2001

Vladimir Gucaev,
SSSR chempioni: 1978
SSSR Kubogi sohibi: 1976, 1979
UEFA Kubok egalari Kubogi sohibi: 1981
Yoshlar o'rtasida Evropa chempionati g'olibi: 1976

Otar Gabeliya,
UEFA Kubok egalari Kubogi sohibi: 1981
SSSR chempioni: 1978
SSSR Kubogi sohibi: 1979
SSSRning eng yaxshi darvozaboni: 1979

Kaxa Cxadadze,
Gruziya chempioni: 1990, 1991
Rossiya chempioni: 1992 (Spartak Moskva)

Barcha muxlislarni ushbu uchrashuvni stadionda tomosha qilishga taklif etamiz. 22 noyabr, shanba kuni soat 13:30da "Paxtakor" va "Dinamo" Tbilisi faxriy yulduzlari o'yiniga tashrif buyuring!