"Paxtakor" - "Bunyodkor" o'yini chiptalari sotuvidan tushgan mablag' Nikolay SHirshovning oilasiga o'tkazib beriladi

Uchrashuv 29 iyun kuni "Paxtakor" stadionida soat 20:00 da boshlanadi. Mazkur bellashuvda muxlislar xarid qilgan chiptalardan tushgan mablag' to'lig'icha jamoamizning afsonaviy futbolchilaridan biri Nikolay SHirshovning oilasiga o'tkazib beriladi. SHirshov o'tgan yil oxirida hayotdan ko'z yumgandi. "Paxtakor" futbol klubi chorshanba kungi bahsda stadionga tashrif buyurishni va o'zbek futboli afsonalaridan birining oilasini qo'llab-quvvatlashga o'z hissangizni qo'shingizni so'rab qoladi.

Eslatib o'tamiz, "Paxtakor"ning sobiq futbolchisi Nikolay SHirshov 2021 yil vafot etgandi. 

1992-99 yillar mobaynida jamoa safida chempionatlarda 171 o'yinda maydonga tushgan SHirshov chap qanot himoyasidagi ajoyib o'yini bilan muxlislar mehrini qozongandi. U "Paxtakor" bilan ikki karra O'zbekiston chempioniga aylanib, ikki marta O'zbekiston kubogini qo'lga kiritgan. "Paxtakor"dan so'ng ko'p yillar "Rostov"da o'ynab, jamoa afsonalaridan biriga aylangan. SHuningdek terma jamoadagi o'yinlari bilan ham hanuz ko'pchilikning yodida qolgan.