"Paxtakor" 23 dekabrda mashg'ulotlarga qaytadi

"Jar" stadionida mashg'ulotga qaytadigan "Paxtakor"ning tayyorgarlik rejasi aniq bo'lib ulgurdi. Toshkentda o'tadigan dastlabki yig'in doirasida 26 dekabr kuni futbolchilar jismoniy tayyorgarlik bo'yicha sinovdan o'tishadi. Yangi yildan so'ng Turkiyaning Belek shaharchasida o'quv-yig'in mashg'ulotlari tashkil etiladi. Bu 3-21 yanvarga mo'ljallangan. Yig'in davomida 4 nazorat bellashuvi o'tkazish ko'zda tutilgan. Toshkentga qaytib kelgandan keyin 30 yanvar kuni Qatarda "Al-Garafa"ga qarshi o'tadigan uchrashuvga hozirlik davom ettiriladi.