O'zbekiston U-19 qizlari Livan U-19 terma jamoasini yirik hisobda mag'lub etdi

Bugun Iordaniya poytaxti Amman shahrida kelasi yili o'tkaziladigan U-20 ayollar o'rtasidagi Osiyo CHempionati saralash bahslarining 2-tur o'yinlari bo'lib o'tdi. Vyacheslav Soloxo va Bahrom Norsafarov murabbiyligidagi O'zbekiston U-19 qizlari saralashning 2-tur bahsida Livanga qarshi maydonga tushishdi. Uchrashuvda katta ustunlikka erishgan O'zbekiston U-19 qizlari yakunda yirik - 7:0 hisobida g'alaba qozonishdi.

Eslatib o'tamiz, Saralashning ilk turida Hindiston U-19 ayollar terma jamoasiga qarshi maydonga tushgan O'zbekiston terma jamoasi qizlari 2:0 hisobida g'alaba qozongan bo'lsalar, ikkinchi uchrashuvda Iordaniya Livan ustidan 3:0 hisobida g'alabaga erishgan.

Saralashning so'nggi tur bahslari 9 noyabr kuni o'tkaziladi. Unda O'zbekiston U-19 qizlari Iordoniyaga qarshi bahs olib borishsa, Livan Hindistonga qarshi maydonga tushadi.

Malumot uchun, guruhda 1-o'rinni qo'lga kiritgan terma jamoa Osiyo CHempionatiga to'g'ridan-to'g'ri yo'llanmani qo'lga kiritadi.

U-19 qizlar o'rtasidagi OCH-2015, saralash bahslari.
2-tur. 7 noyabr. Iordaniya. Amman.
O'zbekiston - Livan  7:0
Gollar: Nodira Muydinova (29, 45, 83), Nilyufar Qudratova (33, 49, 79), Maftuna SHoyimova (90)
O'zbekiston U-19: Laylo Tilovova (Maftuna Jonimqulova), Maftuna SHoyimova, Fayyoza Samandarova, Umida Xudoyboqova (Feruza Boboxo'jaeva 45), Dilnoza Bektemirova, SHohida Tojiddinova, Dildora Nozimova, Sevara Normurodova (SHaxnoza Qurbonova 62), Nilyufar Qudratova, Nodira Muydinova, Umida Zoirova.