O'zbekiston terma jamoasi JCH-2018ga chiqqan jamoa bilan o'rtoqlik o'yini o'tkazadi

Uchrashuv 2018 yilning 27 mart kuni Marokashning Kasablanka shahrida bo'lib o'tadi.

2018 yilda Rossiyada bo'lib o'tadigan Jahon chempionati oldidan FIFA kunlari faqat mart oyida mavjud. Tabiiyki, bu kunlarda JCH yo'llanmasini qo'lga kiritgan jamoalar kuchli raqiblarga qarshi bahs olib borishga harakat qilishadi. O'zbekiston futbol federaciyasi birinchilardan bo'lib Jahon chempionati oldidan mundial qatnashchisi bilan o'rtoqlik o'yini o'tkazish bo'yicha kelishuvga erishdi.

Malumot uchun, Marokash terma jamoasi 2018 yil Rossiyada bo'lib o'tadigan Jahon chempionatiga yo'llanmani qo'lga kiritgan bo'lib, “B” guruhida Portugaliya, Ispaniya va Eron terma jamoalariga qarshi bahs olib boradi.

Franciyalik mutaxassis Erve Renar shogirdlari JCH saralashining “S” guruhidagi so'nggi o'yinda Kot d‘Ivuar terma jamoasini 2:0 hisobida mag'lubiyatga uchratib, mundial yo'llanmasini qo'lga kiritgan. So'nggi bor marokashliklar 1998 yil Franciya jahon chempionatida qatnashgan. Marokash terma jamoasi tarkibida Mexdi Benatiya, Muborak Bussufa, Nabil Dirar kabi mashhur futbolchilar to'p suradi.

P.S. Bu kelishuv professional shartnoma asosida amalga oshirildi. Uchrashuv bekor bo'lgan taqdirda bekor qilgan tomon jarima to'laydi.